XMAGALLAIS 

Xosé Magallais, ademais de xerente da empresa XMAGALLAIS, é exalumno do noso centro. Este novo empresario realizou o CS de Mantemento Electrónico no CIFP A FARIXA, e tamén conta con formación académica en Informática. Comezou profesionalmente en varias empresas por conta allea. Non hai moitos anos decidiu dar o salto como autónomo e hoxe explicounos as vantaxes e inconvenentes. Nestes momentos a súa empresa está a crecer e precisa técnicos para realizar obra nova e reparacións en varios campos: electricidade, electrónica, informática, instalacións fotovoltaicas, alarmas e CCTV. É un orgullo que un exalumno prospere tan rápido e queira contar con alumnos/as do centro para medrar.

Agradecémosche a túa colaboración, Xosé.