Colaboración entre SPIT-PASLODE e ciclo Medio de Interior do CIFP A Farixa

SPIT PASLODE, fabricante líder de sistemas de fixación, fixacións e sistemas de perforación para aplicacións de madeira, aceiro e formigón, está a colaborar na formación do alumnado do Ciclo Medio de Obras de Interior, Decoración e Rehabilitación. O pasado martes 19 de novembro de 2024, SPIT PASLODE fixo entrega, xunto co seu seu distribuidor en Ourense GALUSO (almacén de solución construtivas), dunha donación de ferramentas e fixacións para a realización de prácticas de taller do alumnado. Entre outras, o centro recibiu unha clavadora, dúas atornilladoras de PYL, dúas amoladoras, un nivel láser, un taladro, dous kits de baterías máis cargador, caixas de cravos, abrazadeiras, clips, etc.