Dende o instituto CIFP A Farixa, o alumnado de 3º de Dual presentará unha nova experiencia turística na cidade de Ourense. O guiado enmárcase nun proxecto académico onde os/as estudantes poñen en práctica as súas habilidades como guías turísticos/as, promovendo o coñecemento do patrimonio cultural ourensán dun xeito dinámico e innovador.

 

Dito guiado percorrerá distintos puntos emblemáticos da cidade, revelando historias de aparicións, tradicións ancestrais e seres fantásticos que forman parte da cultura popular ourensá. Dende as augas termais con propiedades case máxicas ata os recunchos onde aínda resoan historias de bruxas e meigas, o alumnado experimentará unha viaxe no tempo.

 

Este evento terá lugar o vindeiro 25 de febreiro e ofrecerá unha experiencia única para todos os estudantes de turismo do centro.

---