Viaxe formativo a MADRID do alumnado de Turismo, con motivo de FITUR  (Feria Internacional de Turismo)

O alumnado de primeiro curso de Turismo, tanto os da modalidade de DUAL como os da modalidade de ordinario, viaxaron a Madrid acompañados de dous dos profesores do Departamento de Turismo, do 22 ao 24 de xaneiro, con motivo de asistir a gran Feira Mundial do Turismo, FITUR. 

Con esta actividade o alumnado puido comprobar en primeira man a gran importancia que ten para un destino turístico dispor de boas infraestructuras de comunicación. Así, o tren AVE, os trens de cercanías e o metro de Madrid foron os medios de transporte e mobilidade durante esta actividade. Por outra banda, non só aprenderon a importancia dunha feira sectorial na promoción de destinos e empresas turísticas, senón a importancia das Relacións Públicas e técnicas de negociación, fundamentais nas múltiples reunións B2B que teñen lugar nesa macro feira.

Por outra banda, a estadía en Madrid contou cun amplo porgrama de actividades como foron: Unha visita guiada ao barrio de Lavapiés, levada a cabo polo alumnado de Turismo do Hotel Escuela de Madrid; a visita ao museo do Prado, donde puideron ver in situ obras de arte de estudo dentro do módulo de Recursos Turísticos; e a visita o Eurostars Madrid Tower, un maravilloso hotel de cinco estrelas, que destaca no mercado dos eventos e no turismo de luxo.

¡O alumnado disfrutou ao máximo cada actividade e está desexando repetir para o ano!