Os alumnos de 1º e 2º de STI e de 2º de FP Básica de telecomunicacións, puideron coñecer os distintos tratamentos que lle fan á auga na cidade de Lugo grazas ó persoal da empresa concesionaria do servizo nesta localidade, GESTAGUA. 

 

Os alumnos viron os distintos tratamentos que lle fan á auga e sistemas de control dende a captación no río Miño, para poder potabilizala na ETAP (estación de tratamento de auga potábel) e onde a elevan aos depósitos para a súa distribución á poboación.

 

Posteriormente, na EDAR (estación de tratamento de auga residual), coñeceron os distintos tratamentos realizados en toda a planta para a devolución da auga ó río Miño.

 

Dámoslle a noraboa e agradecementos ó persoal (Pablo, Alexia e Andrés) que tan amablemente nos dedicaron o seu tempo para atendernos e explicarnos todas as fases dos distintos tratamentos.