Erasmus+ do profesorado

Sete docentes do CIFP A Farixa, tiveron este ano a oportunidade de facer unha beca Erasmus+ tanto a través da Consellería de Educación como do Consorcio de Ourense financiado pola Unión Europea.

Un dos nosos docentes do departamento de actividades físicas e deportivas tivo a oportunidade de disfrutar dunha beca Erasmus+ en Seúl, Corea do Sur, para visitar unha das universidades máis prestixiosas da cidade, a Yonsei University, así como a visita a Kukkiwon, sede mundial do Taekwondo. 

Dende o punto de vista da Educación Física e das actividades deportivas, a mobilidade permitiu observar numerosos aspectos de interese da sociedade coreana. Destaca a importancia que se concede á disciplina, ao respecto, ao esforzo e á responsabilidade, valores moi presentes tanto no ámbito educativo como no deportivo. Tamén resultou salientable o elevado nivel de integración da tecnoloxía e a innovación.