Encontros literarios: falando con Marta Villar sobre a premiada novela “Detective Ferruchi”

O pasado martes tivo lugar na biblioteca o derradeiro encontro de este curso  do noso club de lectura “Papalibros” e foi un evento moi especial, xa que tivemos a inmensa honra de recibir a Marta Villar, a autora de "Detective Ferruchi", a novela que nos atrapou durante este trimestre e que foi recoñecida co prestigioso Premio Xerais de Novela 2024. Un luxo absoluto!! Marta Villar é periodista e redactora no periódico “La opinión”, de A Coruña.

Contóunos que o motivo polo que se decidiu a escribir unha novela foi que sempre lle gustou contar historias, pero no seu traballo de periodista non tiñan cabida todas aquelas que pululaban pola súa cabeza e que merecían ser contadas. E moitas son as historias sociais e humanas que aparecen no libro:  a emigración da "xeración dos avós", eses nenos e nenas que medraron sen a presenza diaria dos seus pais, e de como esa ausencia marcou para sempre a formación dos afectos e os vínculos familiares. as durísimas condicións laborais nas cooperativas téxtiles que naceron á sombra do imperio Inditex. os malos tratos nas relacións de parella. a inxusta discriminación que sufría a comunidade xitana, tamén no ámbito escolar. o fermoso e fráxil mundo dos libros e das librerías, e da loita titánica, pero inmensamente gratificante, que supón mantelas a flote. do mundo do xornalismo e as precarias condicións laborais do sector.

Como peche a unha conversa perfecta, unha das nosas talentosas integrantes do club agasallou a todos os asistentes cun fermoso marcapáxinas de crochet feito a man, un recordo tan persoal e coidado como a propia tertulia.

Esperámosvos na biblioteca para compartir máis lecturas e debates. E, por suposto, para que lle botedes unha ollada a “Detective Ferruchi”, esta