Programa Emprende

Eduemprende, o Plan de emprendemento no sistema educativo de galicia, ten como finalidade o fomento do espírito emprendedor e as iniciativas empresariais. Para alcanzar este obxectivo, a Consellería de Cultura, Educación e Ordenación Universitaria, a través do programa emprende, pon á disposición do seu alumnado, de xeito gratuíto, espazos adecuados para a posta en marcha de proxectos empresariais viables, coas infraestructuras básicas e co asesoramento e titoría do responsable de emprendemento nos centros educativos que conforman a Rede galega de viveiros de empresa.

Que servizos ofrece un viveiro de empresas?

Todos Os servizos que se ofrecen desde estes viveiros son gratuítos e serán os axeitados en cada unha das fases nas que se atope o proxecto.

   1. Asesoramento

• Por parte do profesorado que imparte formación relacionado co sector onde se desenvolverá o teu proxecto.
• do persoal técnico especialista para avaliar a viabilidade técnica e económica do teu proxecto.
• titoría polo coordinador ou coordinadora de emprendemento, responsable do seguimento e orientación do teu proxecto.

   2. Instalaciones propias de viveiro

Espazos axeitados para o desenvolvemento das actividades das persoas emprendedoras no centro educativo onde se atopa o viveiro que ofrece:

• moblaxe  básica propia de una oficina
• equipos informaticos
• acceso  a internet
• teléfono, fax, fotocopiadoras…
• gastos xerados do mantemento xeral

Quen pode acceder a un viveiro?

  1. Poden acceder todas as persoas que reúnan algún dos seguintes requisitos:

      a. Alumnado matriculado nalgunha ensinanzas sostida con fondos públicos de galicia de:

• Formación profesional
• Ensinanzas de artes plásticas e deseño
• Ensinanzas superiores de deseño
• Ensinanzas artísticas superiores de grao en Conservación e Restauración de Bens Culturais
• Ensinanzas artísticas superiores de grao de Arte Dramática
• Ensinanzas artísticas superiores de grao en Música
• Ensinanzas artísticas superiores de grao en Danza
• Ensinanzas deportivas
• Bachalerato
• Educación secundaria para persoas adultas (ESA)

      b. Persoas que finalizaran nos últimos catro anos os estudos mencionados no apartado a)

2.  Poden ser un ou varios emprendedores nun mesmo proxecto, segundo a forma xurídica elixida

Que tramites terás que realizar para acceder aos servicios do viveiro?

Para acceder ao viveiro deberás seguir os seguintes pasos:

1. Entrevista inicial coa persoa titora do viveiro, para a valoración da idea emprendedora e do equipo emprendedor, que responderá as túas preguntas e dúbidas en relación co funcionamento do viveiro e valorará o potencial emprendedor da túa idea

2. Elaboración/preparación do plan de empresa. Se a valoración da túa idea emprendedora e positiva a persoa titora do viveiro axudarate a elaborar un proxecto de empresa realista. Neste terás que madurar a túa idea, analizar o contorno, facer as previsións de investimento, buscar financiamento, establecer as estratexias para introducirte no mercado,...

3. Se o proxecto se valora como viable deberás asinar o contrato tipo de cesión de espacios no viveiro de empresas do IES/CIFP elexido, para usar de forma gratuita as instalaciones de viveiro como sede da túa empresa.

Onde me podo informar?

Se queres información sobre a rede de viveiros de empresas contacta co Coordinador ou Coordinadora de Emprendemento do noso centro. O correo electrónico é Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

O viveiro proporciona unha plataforma para establecer relación con outras empresas, administración e outras institucións, o que facilita coñecer outras experiencias e abrirse camiño no mercado. Estando no viveiro daraste a coñecer a través da páxina www.edu.xunta.es/fp