Alumnado de 1º de VDJ e Produción visita a CRTVG

O alumnado de primeiro do ciclo medio de Vídeo DJ e Son e do ciclo superior de Produción de Audiovisuais e Espectáculos vén de visitar as instalacións da CRTVG en San Marcos (Santiago de Compostela), onde asistiu á gravación dos programas "Bos días" da TVG e do "Galicia por diante" de Radio Galega. Durante a visita puideron ver de primeira man a complexidade da realización de programas tanto de radio como de televisión e participar como espectadores.