Visita ao Museo Estrella Galicia e comida protocolo no CIFP Paseo das Pontes.

Os alumnos e alumnas de turismo do CIFP A Farixa disfrutaron dunha xornada formativa na cidade da Coruña. Comenzamos a visita no museo de Estrella Galicia ( MEGA ), un museo atractivo e suxerente que amosa un produto muy identificativo da nosa terra dada a súa expansión tanto nacional e internacional. A cervexa Estrella Galicia está asociada a nosa comunidade autónoma.

Despois continuamos cara ó CIFP Paseo das Pontes, onde os nosos compañeiros recibíronos cun cocktail de acollida e o profesor Marcos Moreira explicou xunto cos seus alumnos como se fai a montaxe das mesas e os diferentes tipos de servicio; de seguido almorzamos un menús degustación da man dos alumnos de cociña do centro.

Esta actividade está enmarcada no módulo de Protocolo e Relacións Públicas para ensinar partes do seu temario vivindo a experiencia, a mellor forma de aprendizaxe. " aprender facendo".